رسائل هاربة

[nony]

لما حلمك يخونك ايه المصير؟؟

يا قلب مجنون بالحنين ... بكرة حتودينا وين؟؟

[mona]

المشاركة الأصلية كتبت بواسطة nony

( فوق هذا الحب احبك وبعد أكثر كثير .. ياللى تدري ان قربك أنا احتاجه كثير .. هو صحيح انى قدرت اوصلك لكن مانى عارف وين أبوصل بالمحبة )

أوتراك تدرك أنها ترسمك وتشدوك داخلى
أخاف أن أهد كامل ما كابدته من عذابي وعذابك لأجلك، لأجرُك مرة اخرى الى دنيا مليئة بمواجع انت لا تستحقها

قاتلُُ هذا الصمت حبيبي .. وضائعة انا ما بين ظنون وشوق وخوف و نصل فى القلب ازيد غرزه فيه كيلا يفلت وتصيبك بعض دمائي

( قدر نعشق الصعاب ونمشى فى طريق به الشجاع يهاب، كيف القاك والدروب شراك وعلى الباب حاجب وحجابُ، بيننا يا ضياء عيني بحور يملأُ العينُ حرُها والسراب )

( ننشد الوصل قد يكون قريباً هل على العاشقين ثم حِساب ُربما نلتقي غداً ونغني لحن حب غناؤه مستطابُ، وغدا تنبت الرياضُ زهوراً ويعود الهوى لنا والشبابُ، كلما طال بعدنا زدت قربا يجمعُ الحرف بيننا والخطابُ )

قولي الكلمة لصمت الليل وكوني النجمة
وامشي معانا الدرب طويل وكوني النجمة
نوني ..................... انتي اجمل انسانة

[nony]

المشاركة الأصلية كتبت بواسطة mona

قولي الكلمة لصمت الليل وكوني النجمة
وامشي معانا الدرب طويل وكوني النجمة
نوني ..................... انتي اجمل انسانة

آآآآآآآآخ يا منوية بس خليها بالنية بس احساس فظيع لمن تكون ظالم ومظلوم في نفس اللحظة، بس المصبر والمطمن فى الموضوع انكم دايما معاى وحوليني
حبيبة انتى الجمال كلو والله ربنا يخليك يارب ويخلى ليك سلمونتى وابوهو ويملا قلوبكم حب اكتر واكتر

[aiman]

كتبت خاطرة
واضاعتها الشبكة وحقد التكنلوجيا
مايهم في الأمر
انني ساعود لك بالاف الكتابات
من شتات غربتي
علها تعيد العافية قليلا هنا
او علني ارتاح من ثقل حملها
ساعود
هذا وعدي لك

[nony]

أو تراها تعود هذه العافية والقلب ما عاد موجود يا صديقى؟؟
كيف لعافية ان تغذو الروح والروح فى غياهب الحب قد صُلبت على وتد من ضمير
ليت لى آلة الزمن كى اعود
سأنتظر حروفك بشغف علها تستفز احرفى كما كانت دوما وتطلق القلب من سجن البكاء

[nony]

وقفت بعدك كل الأماني والروح عندك

رسل لى بس النفس وخلى الباقى ليك

[nony]

أموت وأعرف بس مين اللي فضح سر العيون وخلاك تغير موقفك

هنا ولا هناك ولا آخرون؟؟

[nony]

ملانة بأمل كبير


بس أنا بقيت أخاف من الأمل

[aiman]

تسرق ببطء
ماتبقى من ضوء العيون

لعينة هذه الغربة
ولعين هذا البعد

لكن

لنا لقيا

[nony]

مرات بتكون محتاج لـ :
أكتر حضن بتنتمي ليهو، لحظة صمت، دموعك وكلمة حنينة تطمن القلب انو رغم الزمن حتكون

مرات بتخاف تكون كل هواجسك كذبة وبسببك ضيعت أحلا حلم عشتو حقيقة

بس مرات أكتر بتخاف تطلع كل ظنونك صاح وتكون انت الوجع لقلب حبيبك

بتفضل ضايع ما بين:
ظن وفكرة، شوق ولهفة، خوف وغيرة، وكل البتتمناهو كلمة حنينة من قلب حبيبك تطمن قلبك انك رغم الوجع الفيك أجمل دُنيا بيعيشها معاك

[nony]

لمٌا فيك تسكن ظنونك و تصبح أيامك سفينة.. تبقى رافض لى حنينك و كل كلماتك قصيدة .. تبقي مملوك للزمن وقصتك تصبح مدينة .. يسكنك مليون موشح والخواطر الفيك حزينة .. يا مرافي الشوق اهدي وما تضجي، بكرة بتلقاك مينا .. والقدر لو ليك عاند ما تقولي الدنيا ضامت، ولا تقولي السكة فاتت .. ما تقولي وين طريقك وانتي عارفة الليل دليلك، بندهك صَحبة ورفيقة

[aiman]

بعدت وكنت هاعمل ايه
مين اختار غربته بايديه ...

[nony]

اكثر الأحاسيس قتلاً عندما تكتشف انك شخص يمكن التنازل عنه وبكل سهولة

[aiman]

اكتب ليك
واطول في كتاباتي
يفيض احساسي
يملأ الدنيا بي كلمات خطاباتي
اكتب ليك

مقطع من دفتر شجن قديم

[aiman]

من قال انه لابد من وضع ايدلوجية تعامل تحكم وتقيد حركة الحياة بين الناس وهذه الايدلوجية من شأنها ان تقوم بتوقيع اتفاق النوايا واظهار كل ما يختبئ بين ثنايا ذاكرتك اذ حركتك تجاه شخص ما ؟؟

[aiman]

البحر
والمساء
وبقايا سجائري
وانا
وجلسة حيرى
هناك
في مفترق الطرق
حيث تكون
او
لا تكون


حديث حمل الليل بقاياه وارتحل

[nony]

محتاجاك شديد .. بس ...... خايفة موت

[nony]

يا رفيقي في الوجع
يا قاتلي في الهوى و قتيلي
ياأماني العمر يا كل المُنى

سايقني ليك شوق الصبا .. ونبض الفؤاد البيك هام
ماخدني ليك كل الحنين .. والجوف المعبق بالكلام
ماسكني منك خوف عمر .. أبداهو بيك و يجيب ملام

يا إنت يا الـ جواي أنا .. يا عارف الـ بي والـ علي
قول لي كيف انساك أنا .. أو لحظة ما تكون فييا حي
يا إنت يا سلطان هواي .. و مركب شراع منك و لي
قول لي بعدك كيف أكون؟؟ و كيف يحضن النوم العيون؟؟

خايف أجيك شايل الحمول .. أملآك بالشقا والهموم
خايف ودادي عليك كتير .. خايف أكون سبب الظنون
خايف أقول ليك أنسى الحصل .. و أنا بالحصل مملوك جنون
خايفك كمان تقنع تفوت .. و أنا بـ وراك أشقى و أموت



(ربما سيأتي علينا يوم تصبح فيه كل كلماتنا أغنيات شجن)

[aiman]

الخوف
مالكنا
ومالينا
ومتسرب في كل مساماتنا
خايفين على طول
مهمومين
بس من ايه ؟؟؟ وعشان ايه ؟؟

كلو من الدنيا اللئيمة دي

خليتها للخلقها

يتبع
ماتبقى من الشجن

[nony]

كان التوقيت داخلي يعلن ميلاد شوقٍ جديدْ
أكثرتُ النداءآت .. فكان الصدى صديقي
لو أن قيدُكَ ينْكَسِرْ .. لمَلكتُ نفسي
و لكن!!..
يبقى الحُلم حُلماً طالما لا مُجيب
فهنيئاً لأحلامٍ عاشت أكثر من ذاتي
وهنيئاً لـ وأدِي

[nony]

رجاء خاص:
ممكن تطمني عليك كل يوم!! وتخلي بالك منك!!

[aiman]

المشاركة الأصلية كتبت بواسطة nony

رجاء خاص:
ممكن تطمني عليك كل يوم!! وتخلي بالك منك!!

ممكن
وممكن جدا
بيك انا كمان بكون مطمئن
بس خلي بالك منك

[nony]

يغازل فيك صوت اللهفة محرابي
و أعيش أيام أدوب فيها أحزاني
أقول يا هم كفاك، حرمان عليك كان تبقى أوطاني

[nony]

في لحظات بيكون فيها الواحد متضايق حتى من النفس البيتنفسو
يارب .. لك إلتجأت فأنشلني من هذه اللُحيظات

حبيبي .. أريتك إنت طيب .. أنا البي كلو هين

[aiman]

اهرب من ريدك فيهو القاك
القاك وتاني تلاقيني

كلمة ونص في نص الليل ده

سلامات
ياحزني المريح ..