اقتباس:
المشاركة الأصلية كتبت بواسطة mona
مني.........
الكلام ده ما بشبهك
اولا القلتيهو دة نهائي ما حصل
افتكر انو وليد فاكر المشرف الفني زول تاني
وبالمناسبة لحدي اللحظة دي انا ما كنت عارفة انها اينانا ولة كنت رسلت ليها عدي او كلمتو وهو اكيد حيرسل ليها او يتصل
شنو البجبر زول للتصنع ما النت مليان مواقع
تاني بقول ليك انا متفاجاة في رد فعلك شديد
|
منوية مساء الخير
اولاً شيء انتى فهمتى كلامي بطريقة بعيدة تماماً من المغزى .. أنا قلت فى عدم اهتمام وكسل ما قلت انو بيتصنع ولا اصلاً في حاجة بتجبرو زي ما قلتى عشان هو يتصنع .. ولا بيشبه وليد زاتو التصنع ده
اول حاجة موضوع الباسويرد بتاع وليد اتفتح براهو 3 مرات تقريبا وحق رحاب مرة .. وفى كل مرة انا شخصياً واحدة ناس بنبه انو مفروض يرسلو للمشرف الفنى اللى هو اينانا .. احتمال انتى ما عارفة الكلام ده لأنو ما تابعتى البوستات ولا تابعتى البوستات بتاعت الانتخابات عشان تكونى عارفة المشرف الفنى منو .. بس مفترض انو البيفتح البوستات دى طالما انو موصى من وليد يبقى هو اكيد بوصل ليهو المعلومة .. وحتى لو ما وصلها ليهو،( للمعلومية بس ) وليد الفارس على حد علمى وبناءً على الانتخابات الفاتت هو مشرف ايضاً( يعنى عندو حسابين كمان) وبما انه مشرف استحالة يكون ما عارف انو المشرف الفنى هو اينانا وعلى حد علمى لحد الان لم يتقدم اى مشرف بإستقالة لأنو ما جو أعلنو لينا عنها فى المنتدى العام زى ما هو متعارف عليه .. وفرضاً انو كمان فعلاً لأنو الفترة طالت وهو ما بخش طوالي ونسى اصلاً انو مشرف أو منو هو المشرف الفني .. أى زول عارف انو لو عاوز حاجة من ادارة اى موقع او اى منتدى بيرسل ليهم رسالة من الرابط بتاع اتصل بنا .. ودى ما دايرة ليها تعامل مع منتدى بيتنا وبس دى معلومة عامة أفتكر عند الجميع كلهم
بالنسبة لوليد انا ما قلت انو وليد بيتصنع انا قلت هو ما حريص بشكل كافى عشان يحل الموضوع ده .. ويمكن ده بيرجع لظروف انشغالاتو اللى انا ما بعرف عنها حاجة ولا بقدر احكم عليها .. لكن انا عن نفسي شخصياً لو كانت حصلت لى المشكلة دى وكنت مهتمة جدا بالموضوع ده برسل لإدارة الموقع علشان يحلو لى المشكلة
وده كل الفهم فى الموضوع .. و ياستى حسى ما حصل شيء انتى عرفتى المعلومة بتاعت انو اينانا هى المشرف الفنى ممكن ترجعى لوليد توصلى ليهو الموضوع من تانى وهو يتابع مع اينانا .. ولا شنو؟؟
ولك كل الود والاحترام .. وبالنسبة للخلعة يا ستى مافي مشكلة اعتبريها عشان نروح ليك بيها زغتة قادمة
ياااا مشرفين وليد محجوب ده لسسسسسع راجيكم
العرض العادي
