أحرموني ولا تحرموني (محجوب شريف) Re mix

[طارق المنسي]

أحرموني ولا تحرموني
سنة الإسلام السلام
اﻟﻤﺠد لله في الأعالي
وعلى الأرض السلام
قدلة يا مولاي حافي حالق
في الطريق الشاقِّي الكلام
في الفؤاد ترعاه العنايه
ملء ُ روحي وعزَّ المنام
لو هزمت بلملم ُ غنايا
ما بخونو وأبيع الكلام
ما بسلم شرف الدوايه
قدلة يا مولاي حافي حالق
غير ذلك ما عندي غايه
غير ذلك بئس الختام
مني شايف شابت مفارق
ما ني خايف وللاَّ انهزا ْ م
العزايم قط لم تفارق
والأماني تمام التمام
لو علي أنا بس ماهو فارق
الدوام ِ لله الدوام
تهنا بين هوَّات الفوارق
ياخي ديلك ناس أم هوام
كم وكم هم في القلب عالق
كم جراحًا تحت
المسام
المسالك صبحت مهالك
والحلال في إيد الحرام
البخونك لا شكَّ هالك
البجيك في جنح الظلام
نحن منَّك ما من هنالك
أيُّ هذا الشعب الهمام
نحن منك حقًَّا لذلك
مستحيل أن نقبل تضام
كنت ماهل يابوي وساهل
كل دربًا بي ناسو آهل
ياحنونًا دافي المناهل
مالو زولك ممكون وناحل
وأنت عندك يابا السواحل
والسهول غاباتك مراحل
والشمس والنيل والغمام
ياحفيف أنفاس البيارق
في الشوارع ودفء الزحام
مشتهنَّك مالك مفارق
لفته منك تشفى السقام
الملامح كانت تسامح
والجلوس للحق والقيام
والحناجر ليست خناجر
والمنابر ذات احترام
كل مايك ولا سلك شايك
بين جموع الناس والكلام
يا جلوسًا فوق الأرايك
والمسدس تحت الحزام
نحن شعبًا للفجر حايك
دربتنا أيادي الصدام
حصُّلوهم حتى الأجنَّه
وصِّلوهم عتبة سجنَّا
كنتو إنسًا أم كنتو جنَّا
سوف نصمد مهما ِ حزنَّا
لو نلاقي الموت ِ سنَّه ِ سنَّه
وكل قطرة دم تبقى حنه
الليالي لكي تمتحنَّا
علمتنا مسكنا الأعنَّه
مافي ُ حرا حريتو ِ منَّه
والببايع قط ليس منَّا
والبخون الشهدا الكرام
أحرموني ولا تحرموني
سنة الإسلام السلام
اﻟﻤﺠد لله في الأعالي
وعلى الأرض السلام
للهواجس وليل الخصام

[طارق المنسي]

وطن يستحق أن يكتب له
وشاعر يستحق أن يكتب لوطنه
لأنه كما أورد: ما بسلم شرف الدواية

القومة للوطن

[nony]

له الله الوطن وانفس لازالت شريفة

[إينانا]

نحن منَّك ما من هنالك
أيُّ هذا الشعب الهمام
نحن منك حقًَّا لذلك
مستحيل أن نقبل تضام
كنت ماهل يابوي وساهل..

اه يا طارق..

[أبو الرايقة]

التحية لكل شرفاء بلادي باختلاف توجهاتهم واعمالهم
حنبنيهو البنحلم بيهو يوماتي
نتمنى ان يتعافى من الاذى
قولو آمين