:: حقوق الصداقه ::

[Rihab Khalifa]

مع كثره الاحداث مؤخرا في حياتي، لقيت روحي بفكر في الموضوع ده كتييير

[Rihab Khalifa]

اول حق

انصر اخاك ظالما او مظلوما



ظالما دي جات قبل مظلوما، ملاحظين معاي؟

[Rihab Khalifa]

الاصدقاء في حياتي، بمعني كلمه الحقيقي بتعدوا علي اصابع اليد الواحده

[Rihab Khalifa]

و مع الاصدقاء يوجد المعارف و فيهم معارف يكادوا يصلوا لمرحله اصدقاء، لكتره ثقه الواحد فيهم و حبهم و حب الخير ليهم

[Rihab Khalifa]

مرات الانسان بيخطيء و من قربه من بعض المعارف، بيحسب نفسه صديق و يفترض المعامله علي حسب علاقه الاصدقاء





دي مناسبه حلوه انه الزول يعتذر لاي زول قيمت علاقتي بيهو غلط

[Rihab Khalifa]

طبعا الكلام ده جايي من كلام، ما ساكت

ما اظني اخوض في تفاصيله هنا، لكن انا متاكده انه بيجيني احساس مريح بمجرد ما اطلع الكلام ده من صدري

[إينانا]

..

منتظرين..

[Rihab Khalifa]

نرجع لحقوق الاصدقاء تاني

[Rihab Khalifa]

الثقه المفرطه، الماعندها حدود في تصرفات الصديق، حتي و ان ظهر لك امر شككك في الصداقه دي



الحمدلله لحدي الان ما مرت علي الحاله دي، يمكن لانه اصدقائي ما كتار؟ احتمال

[Rihab Khalifa]

المشاركة الأصلية كتبت بواسطة إينانا

..

منتظرين..

يلا انتي معاي يا بطوطه، بتفتكري حقوق الصداقه شنو؟

صباحاتك في بياض قلب حاجه امنه

[إينانا]

المشاركة الأصلية كتبت بواسطة رحاب

يلا انتي معاي يا بطوطه، بتفتكري حقوق الصداقه شنو؟

صباحاتك في بياض قلب حاجه امنه

1- الصدق..

[casper]

2- الشفافية في التعامل

[الملك]

الاخلاص

[mangoori]

المشاركة الأصلية كتبت بواسطة رحاب

بتفتكري حقوق الصداقه شنو؟

مداخله لو سمحتى,,,,,, ممكن,,,؟
حقوق الصداقه من وجهة نظرى
لو صديق اتصل بيك هاتفيا ,,,,, وما رديتى ,,, تقومى ترجعى ليهو
بتلفون تانى فى الوقت الانسب,,,,
ولو ,,,, زول مسافر قام ودعك ,,,, عبر البريد الخاص
تقومى تردى ,,,,,, ربنا يكتب السلامه,,,,

[wali]

لا خير في خل يخون خليله ***** ويلقاه بعد المودة بالجفا

[jox]

الصديق الباسمو ما هو صديقك
لكن الصديق البلحقك في ضيقك

[شهاب شكوكو]

رحاب : الراقية كميات ،،،،،،،،،،،،،،،،!!


هادي الحفرة .. كانت بير .. وكان متكابي فوقها حراز
وتحتو الصخرة كانت حوض .. وكانت للقبيلي ملاذ
كانت ملتقى العُربان .. وكانت مُتّكا الِحبّانْ
ومركز دورة الإنسان
مِنّها هبّت الفرسان .. وعندها ربّت العرسان
وكم شِهدت غرام وغرام
وحِفضت كم كلام وكلام
تعكّر حين خصام وملام
تروّق حين وئام وسلام
تراشق أعين الأطفال .. تراهق للعصافير يوت
ترشرش لي تياب بنوت
جنّها من أعزّ بيوت
لا رفعت عليهن سوط .. ولا رفعهن عليها الصّوتْ
حين تملا القِرَبْ .. تِنْمَنّى .. تدّها صَنّة ... حتى تفوتْ ( حميد )


ان يكون الصديق اقرب اليك من نفسك !!
ويحس بك بمجرد نظرة !!
او من نبرة صوتك !!
مودتي !!



هووي :
اتذكرتا ،،، انت مش قلتي جاية هنا !!!

[Dr_aroooma]

الصديق ان صدقك سيكووون حقيقة في سراب الحياة.........وسيكون اماان في خوفها.....وراحة في عجلتها.......
انا ماعارفة لكن دايما بجيني احساس ان الصداقة...صعب وصعب وصعب انها تتلقي!!!

انشاء الله مايجي اليوم البنقول فيهو ليتي لم اصاادق فلان!!!


واتمنى ان يدوم الصدق بين الاصدقاء لانه الاساس مع مرور الاعواام وتتجد الزكريات وتستمر الحكااايات ................



هل تقبلوني لكم صديقة؟؟؟

[الفارس]

في المقهى لا يقدم لك الساقي الاصدقاء , ساخنين أو سيئين

[gaba]

وفي ...شفاف
يقول الصدق والحق .. قبل ما يجامل ...

حوبة ... تحياتي

[Rihab Khalifa]

المشاركة الأصلية كتبت بواسطة إينانا

1- الصدق..

المشاركة الأصلية كتبت بواسطة casper

2- الشفافية في التعامل

المشاركة الأصلية كتبت بواسطة الملك

الاخلاص

والله ما اجملها من صفات اذا توفرت في اي شخص حتي اذا لم يكون صديق بالمعني المتعارف تتزايد المحبه و اواصر العلاقه

[Rihab Khalifa]

المشاركة الأصلية كتبت بواسطة mangoori

مداخله لو سمحتى,,,,,, ممكن,,,؟
حقوق الصداقه من وجهة نظرى
لو صديق اتصل بيك هاتفيا ,,,,, وما رديتى ,,, تقومى ترجعى ليهو
بتلفون تانى فى الوقت الانسب,,,,
ولو ,,,, زول مسافر قام ودعك ,,,, عبر البريد الخاص
تقومى تردى ,,,,,, ربنا يكتب السلامه,,,,

اخونا منقوري

كل الود و الاعتذار

كنت و ما زلت امر بظروف يعلم بيها الله وحده و حفنه من الاصدقاء، علاقاتي العامه اول ما تتاثر في مثل هذه الحالات و بالرغم من عتاب المداخله، كونك تعتبرني صديقه دي حاجه كبيره بالنسبه لي

كل الود مره تانيه و خليك علي اتصال

[Rihab Khalifa]

المشاركة الأصلية كتبت بواسطة wali

لا خير في خل يخون خليله ***** ويلقاه بعد المودة بالجفا

يا سلااااام عليك يا والي

عارف الخيانه دي بتكون بطرق كتيره

مرحله الخل الوفي دي كمان بي هنااااااااااك

[Rihab Khalifa]

المشاركة الأصلية كتبت بواسطة jox

الصديق الباسمو ما هو صديقك
لكن الصديق البلحقك في ضيقك

عارف يا جوكس، يمكن ده اصدق معيار للصداقه، الصديق وكت الضيق

ذكرتني ناس حاجه امنه و الفارس و ايمان و صاحبتي هيفاء و سونا و ود امبده

الفارس، طبعا ده كوم تاني برااااااهو

عارف لمن الزول يعرف البيك و يقدر من غير ما حتي تتكلم

لمن الزول ما يلومك مع انك مقصر معاهو في ابسط الاشياء

لمن الزول يحبك لله في لله كده سااااكت و انت تكون ما شفتو الا مرات قليله في حياتك وجها لوجه

[Rihab Khalifa]

المشاركة الأصلية كتبت بواسطة العارض

رحاب : الراقية كميات ،،،،،،،،،،،،،،،،!!


هادي الحفرة .. كانت بير .. وكان متكابي فوقها حراز
وتحتو الصخرة كانت حوض .. وكانت للقبيلي ملاذ
كانت ملتقى العُربان .. وكانت مُتّكا الِحبّانْ
ومركز دورة الإنسان
مِنّها هبّت الفرسان .. وعندها ربّت العرسان
وكم شِهدت غرام وغرام
وحِفضت كم كلام وكلام
تعكّر حين خصام وملام
تروّق حين وئام وسلام
تراشق أعين الأطفال .. تراهق للعصافير يوت
ترشرش لي تياب بنوت
جنّها من أعزّ بيوت
لا رفعت عليهن سوط .. ولا رفعهن عليها الصّوتْ
حين تملا القِرَبْ .. تِنْمَنّى .. تدّها صَنّة ... حتى تفوتْ ( حميد )


ان يكون الصديق اقرب اليك من نفسك !!
ويحس بك بمجرد نظرة !!
او من نبرة صوتك !!
مودتي !!



هووي :
اتذكرتا ،،، انت مش قلتي جاية هنا !!!

شهاب المعروف بالعارض

بس لو ربنا اداني هبه التعبير ده، ما عارفه كنت عملت شنو

ان يكون ما يكتبه غيرك اقرب اليك من تعبيرك، دي حاجه سمحه خلاص

انا جيت، لكن جيه صغيره والله و مكسوفه من الناس لانها كلها كانت عشره يوم و امي ربنا يخليها انشغلنا بتحضير شيله اخوي و تحضير حاجات عرسو و كده، لكن جيتي الاصليه شهر اتناشر ان شاء الله

حاولت اجيب تلفونك و جوكس من ايمان بس ربنا ما وفق، مسامحين؟