اصحاب اصحاب

الفارس · 12-07-2007, 04:18 AM

في المقهى لا يقدم الساقي الاصدقاء ساخنين أو سيئين

عبارة كتبها احد اصدقائي ثم مضى ...
تحدث قديماً اخي وصديقي بشرى عن الصداقه عبر الانترنت , ثم تحدث اخرون
ولكن اريد هنا ان اعرف كيف نقيم الاصدقاء ؟
كيف نصف الاصدقاء ؟
كيف نعامل الاصدقاء؟
الصداقه حقوق وواجبات ...
الصداقه وترتيب الاصدقاء ...
من درجة صديق ( حق كيف الحال والاهل كيف وامبارح الكورة كانت بايخة)
الى درجة الصديق البتحكي ليو ادق تفاصيل حياتك... وتشتاق تسمع صوته /ها
ودرجة فهمنا لحالة الرضا أو الحزن في نبرة صوته/ها ...
هل نفهم اصدقائنا حقاً ؟
هل نكون عند الطلب في حال الحوجة ؟
هل نحزن عندما نعلم ان لصديقنا صديقاً اخر اقرب اليه منا ؟
هل .....؟

حجة امنة · 12-07-2007, 04:26 AM

اقتباس:

هل نحزن عندما نعلم ان لصديقنا صديقاً اخر اقرب اليه منا ؟

بس نقيف هنا شديد ...

علي طاهر · 12-07-2007, 04:58 AM

الكلام ده عايز روووووووووووووووقة ..

احنا و القمر جيران · 12-07-2007, 10:35 AM

اقتباس:

المشاركة الأصلية كتبت بواسطة الفارس

في المقهى لا يقدم الساقي الاصدقاء ساخنين أو سيئين

عبارة كتبها احد اصدقائي ثم مضى ...
تحدث قديماً اخي وصديقي بشرى عن الصداقه عبر الانترنت , ثم تحدث اخرون
ولكن اريد هنا ان اعرف كيف نقيم الاصدقاء ؟
كيف نصف الاصدقاء ؟
كيف نعامل الاصدقاء؟
الصداقه حقوق وواجبات ...
الصداقه وترتيب الاصدقاء ...
من درجة صديق ( حق كيف الحال والاهل كيف وامبارح الكورة كانت بايخة)
الى درجة الصديق البتحكي ليو ادق تفاصيل حياتك... وتشتاق تسمع صوته /ها
ودرجة فهمنا لحالة الرضا أو الحزن في نبرة صوته/ها ...
هل نفهم اصدقائنا حقاً ؟
هل نكون عند الطلب في حال الحوجة ؟
هل نحزن عندما نعلم ان لصديقنا صديقاً اخر اقرب اليه منا ؟هل .....؟

الفارس الحتة دي بكتني .. تعمل شنو لمن تكون كل يوم انتو مع بعض و تحكو لي بعض اي شي و تجي الدنيا تفرقكم و تبقى بيناتكم التلفونات و الماسنجر و جد تشتاق تشوفه و تسمع صوته و جد تشتاق لي الايام الزمان ....

ابدا ما بحصل انو نحزن بفرح
احيانا بتكون في غيرة بسيطة

بجيك راجعة

إينانا · 12-07-2007, 10:56 AM

اقتباس:

المشاركة الأصلية كتبت بواسطة الفارس

في المقهى لا يقدم الساقي الاصدقاء ساخنين أو سيئين

عبارة كتبها احد اصدقائي ثم مضى ...
تحدث قديماً اخي وصديقي بشرى عن الصداقه عبر الانترنت , ثم تحدث اخرون
ولكن اريد هنا ان اعرف كيف نقيم الاصدقاء ؟
كيف نصف الاصدقاء ؟
كيف نعامل الاصدقاء؟
الصداقه حقوق وواجبات ...
الصداقه وترتيب الاصدقاء ...
من درجة صديق ( حق كيف الحال والاهل كيف وامبارح الكورة كانت بايخة)
الى درجة الصديق البتحكي ليو ادق تفاصيل حياتك... وتشتاق تسمع صوته /ها
ودرجة فهمنا لحالة الرضا أو الحزن في نبرة صوته/ها ...
هل نفهم اصدقائنا حقاً ؟
هل نكون عند الطلب في حال الحوجة ؟
هل نحزن عندما نعلم ان لصديقنا صديقاً اخر اقرب اليه منا ؟
هل .....؟

الفارس.. مفهومنا شنو نحنا للصداقة..
يخيل لي انو نحنا عندنا مشكلة كبيرة في تقييم الصداقة و التعامل معاها... وتفهمها..
كتير بنلخبت بينها و الحب سواء داخلنا او في قصص قدامنا..

عارف يخيل لي انو ممكن صديقنا يقيمنا اكتر مننا.. انو هل بنفهمو جد؟ هل بنكون عند الحوجة صحي؟

أنا غايتو بتمني اكون كدا عند اصدقائي و ركزو لي علي اصدقائي دي شديد..
انا شخصيا ما بحزن اذا عرفت انو في زول اقرب من صحبي لي و حاحول اصاحبو كمان.. ما ضروري انو يبقي صحبي شديد لكن عشان اطلع الزول الفي النص دا من المشكلة..

مخرج:
التحية لكل اصدقائي الحقيقين والذين احبهم كأن امي ولدتهم.. أنحني لكم إجلالا و تقديرا.. دمتم اصدقائي..

سوسن سنادة · 12-07-2007, 11:58 AM

اقتباس:

المشاركة الأصلية كتبت بواسطة الفارس

في المقهى لا يقدم الساقي الاصدقاء ساخنين أو سيئين

عبارة كتبها احد اصدقائي ثم مضى ...
تحدث قديماً اخي وصديقي بشرى عن الصداقه عبر الانترنت , ثم تحدث اخرون
ولكن اريد هنا ان اعرف كيف نقيم الاصدقاء ؟
كيف نصف الاصدقاء ؟
كيف نعامل الاصدقاء؟
الصداقه حقوق وواجبات ...
الصداقه وترتيب الاصدقاء ...
من درجة صديق ( حق كيف الحال والاهل كيف وامبارح الكورة كانت بايخة)
الى درجة الصديق البتحكي ليو ادق تفاصيل حياتك... وتشتاق تسمع صوته /ها
ودرجة فهمنا لحالة الرضا أو الحزن في نبرة صوته/ها ...
هل نفهم اصدقائنا حقاً ؟
هل نكون عند الطلب في حال الحوجة ؟
هل نحزن عندما نعلم ان لصديقنا صديقاً اخر اقرب اليه منا ؟
هل .....؟

نتجمع معا لنعلن اننا اصدقاء دونما ترتيب او تخطيط,, ولكننا بالتاكيد نجد من هو اقرب الينا من احدهم ,, ولكن لايمنع من ان نكن جميعا اصدقاء,, يسعدني مشاركتي لاصدقائ في اشايئهم,, كما يسعدني مشاركة اصدقائ لي,, ويجعل في قلبي بعض الفرح اذا علمت ان احدهم يهتم بامري حتي وان كان من الاصدقاء البعاد بالنسبة لي, ولكني يكفي انه احس بي,, ليس بالضرورة الافصاح عن كل مانكتم لكل الاصدقاء , ولكن بالضرورة ان نشارك ولو بالحد الادني مع الاصدقاء..
وطالما ان فطرتي هي التي جمعتني بصديق دونما تخطيط مسبق,, فالصداقة تعني لي ,, نقاء, ابتسامة, مشاركة, حب, احترام, تقدير, كسر للقيود, مخزن للاسرار, هم اخواني الذين لم تلدهم امي,

gaba · 12-07-2007, 12:29 PM

شيق جدا ان نتحدث عن هكذا حكاوي ...
احساس غريب ان تجد الوفاء من صديق ... واروع ان يضحي هذا الصديق .. عن اجمل اشياءه ويتركها لديك ...
ومنذ الطفولة كنت محظوظ بان اصدقائي كلهم وفيون ... وبسيطون ... تجد فيهم اليتيم .. والحمال ... والمرسال وبتاع الكارو ... اكثر مما تجد فيهم ... المرطب والمنعم .. والشاقي شعره ...
ومن الاصدقاء .. اصدقاء الدراسة في الابتدائي والمتوسطة ( الاساس حاليا وده لي ناس تامنة) .. لان هذه الصداقات تكون بريئة ...
جاءنا مرة تلميذ في رابع ابتدائي في كوستي ... جاءنا من العاصمة .. وجلس معنا في الكنبة ... انا وتمبس وحسن التكس وعثمان برة ... وكان تلميذ ظريف ... ولابس هدوم جديدة تختلف عن ما الفناه من دمورية ... دنونا من شعره .. واشتممنا رائحة لطيفة ... واكتشفنا لاول مرة ان شعر الاولاد بيريحو ... وكان شكله رايق وبشرته رايقة ... وشنطته كانت فريدة في نوعها .. جزمته ايضا ... وجابو لينا بالعربية ...
وببراءة الاطفال دخلنا في بعض واتصاحبنا بكل اريحية ... وبقينا اصحاب اصحاب ... وبعد داك زي قلنا نعمل ليهو احتفال ... ذهبنا البحر وعذمناهو .. دردقو بالشطة ... وطير قدوم احمر واصفر مقلي علي الذيت علي رصيف البحر .. طبخته كلتومة هذا الطير ...
ومنها عملنا مجازفات وذهبنا وتسللنا خلسة الي احد الاندية ... وكان يعرض في السينما المتجولة ... فيلم عبلة وعنتر ...
وحينما انتهي العرض .. ادركتنا الساعة الثامنة ليلا ...
كنا حينما خرجنا من المدرسة ... خرجنا في الواحدة ظهرا ....
وكان السوال في بيوتنا نحن الثلاثة ... كان السوأل عن غيابنا ... سوأل اهل متعودين ... لان كلتومة بتاعت الطير وعبد الفتاح بتاع الدردقو بالشطة .. بيكونو وصلوا الشمارات ...

اما هناك ...
هناك في بيت الود الجديد ... الجابو معانا في الكنبة ... في بيت الود الجديد فقد هاج وماج الحي ... فقد كانت اسرة جديدة جاءت حديثا المدينة ... بحثوا وبحثوا في الطرقات وحول المدرسة والمستشفيات والاقسام ....
وشيل يا ابو الود اطلع مدير الامن الجديد في المدينة ... ابو الود الجديد طلع مدير الامن ... وقام الجماعة بتاعيين الامن ... جابونا ليك بعد ثلاثة ثواني ... من انتهاء فيلم عنتر وعبلة ... قال عنتر قال ... وبدل ما يودونا مكتب الامن ودونا المدرسة الساعة التاسعة مساءا ... ولقينا هناك مدير المدرسة والاساتذة ووالد الطالب ... سعادة مدير الامن ...
وقبل اي تفاهم ... وضعوا الطالب الجديد في جنبة .. ونحن التلاتة في جنبة ... وقبل اي كلمة رصعونا ليك 15 جلدة ... وبعد داك بدأ التحقيق من الاساتذه والمدير ... وبعد ما اتاكدوا من حسن النية والبراءة ... وبان العملية لم تكن اختطاف او فهم في رأسهم ...
كان الحكم باننا شماسة وصعاليك ... وبان الطالب مهذب وبري ولا يعرف اكل الطير في البحر ... ولا الدردقو بالشطة ... ولا مجازفات حضووور الافلام ..
وكانت هناك عقوبة .. عقوبة اضافية بان لا نقترب من الطالب نهائي ..
وعند حضورنا كل يوم كنا ننظر اليه من بعيد ... بكل ما تحمل نظرات الطفولة من براءة وحنية ...
والله ايام يازمان ... وااله ايام يا صداقة ويا طفولة

ا

طارق المنسي · 12-07-2007, 12:48 PM

اقتباس:

المشاركة الأصلية كتبت بواسطة الفارس

في المقهى لا يقدم الساقي الاصدقاء ساخنين أو سيئين

عبارة كتبها احد اصدقائي ثم مضى ...
تحدث قديماً اخي وصديقي بشرى عن الصداقه عبر الانترنت , ثم تحدث اخرون
ولكن اريد هنا ان اعرف كيف نقيم الاصدقاء ؟
كيف نصف الاصدقاء ؟
كيف نعامل الاصدقاء؟
الصداقه حقوق وواجبات ...
الصداقه وترتيب الاصدقاء ...
من درجة صديق ( حق كيف الحال والاهل كيف وامبارح الكورة كانت بايخة)
الى درجة الصديق البتحكي ليو ادق تفاصيل حياتك... وتشتاق تسمع صوته /ها
ودرجة فهمنا لحالة الرضا أو الحزن في نبرة صوته/ها ...
هل نفهم اصدقائنا حقاً ؟
هل نكون عند الطلب في حال الحوجة ؟
هل نحزن عندما نعلم ان لصديقنا صديقاً اخر اقرب اليه منا ؟
هل .....؟

في المقهى لا يقدم الساقي الاصدقاء ساخنين أو سيئين

كتب صديقك كل الكلام وذهب وليس ما كتب فقط فبين الأحرف وداخل نفس السطر سطر هذا الصديق كل شيء
عزيزي الفارس والمتداخلين الأفاضل
شد ما أوقفتني هذه العبارة بدليل انني قرأتها صباحاً وها انا ذا أرد ظهراً
نعم في المقهى لا يقدمونهم ساخنين أو سيئين ولا في المدرسه ولا الشارع ولا في البيت أي نعم هم في كل مكان ولكن . .
الأصدقاء تصنعهم الظروف والأمزجة وطريقة التعامل والرغبه المتبادله وأشياء لا نراها تمزج بيننا وتصهرنا سويا , قد يكون ذيد صديق حسان وليس بمخلص له ونفس الذيد صديق عثمان ويخلص له أيما إخلاص فالتعامل بين ذيد وحسان ليس مثل الذي بينه وبين عثمان ولا حتى الأمزجة .
العباره تحتاج لدهر فشرحها وتفنيطها يطول أما أنا فذاهب لأكمل تأملها ثم أعود وأحكي لكم عنها وسأشرك فيها صديقي عبد الغني .
ولي عودة

في المقهى لا يقدم الساقي الاصدقاء ساخنين أو سيئين

منسي

الفارس · 12-07-2007, 03:29 PM

كل الشباب... بدون فرز...
طارق ـ بي فرزـ اصدقائي الجميلين, احبكم
لم يجب احدكم على اسئلتي...
طارق اعتقد انك فهمتني ....
انا في انتظاركم ـ وانت تحديدا يا طارق
فهذا الحديث مجرد افتتاحية

الفارس · 14-07-2007, 05:09 AM

نزار ياسين- هشام اسماعيل

الفارس · 14-07-2007, 03:09 PM

الخبر البيجي الصدِّيق مقفَّل جُوَّة

حالف ما بقيف دونو ان بقيت في هوَّة

عِنْ طرش الدرق ما بنسى شرط الخوَّة

كبّاس للدهم .. عند البقول : يا مروَّة
-----------------------------------------------

فارس الساحة جيَّاب الحقوق للناس

سنَّاد الضعيف وكت الضعيف ينداس

يا جبل الدهب .. إنتَ الوضعتَ الساس

وما اتزحزحتا يوم درعوا الحبل في الراس

ما قاله صلاح احمد ابراهيم في رثاء صديقه الشفيع

I will be back

ود الزين · 14-07-2007, 03:16 PM

يا زول هوي أنا لا صاحبك لا حاجة...

بث كده ده...

yassin · 14-07-2007, 03:56 PM

في المقهى لا يقدم الساقي الاصدقاء ساخنين أو سيئين
كلام عجيب
جملة ما ساهلة
الله يديك العافية

طارق المنسي · 15-07-2007, 01:56 PM

في المقهى لا يقدم الساقي الاصدقاء ساخنين أو سيئين ....

الصاحب وهو من تكون بصحبته أغلب الأوقات
الصديق هو يوفيك حقك في كل الأوقات
وهنالك بون شاسع بين الإثنين

ففي الأولى تتمنى أن يكون الصاحب صديق وفي الثانيه الصديق هو فعلاً صاحب

ولكن من يصنع الصديق الحق ؟

نحن من نصنع الصديق الحق بأن نكون أصدقاء أنفسنا وصداقها , فإن صادقت نفسك وصدقتها صادقك الآخرون وصدقوك وصادقوك .
نعم هنالك أشياء أخرى ولكنها لاتمنع الصداقه كإختلاف الأمزجة والميول فلكل من صديق يوافق مزاج معين وهنالك من هم لكل الأمزجة , لي أصدقاء ألجأ إليهم عندما أكون حزيناً ومن ألجأ إليهم عندما أشعر بالملل من الروتين ومن ألجأ إليهم ليرشدوني ويسدونني النصح ومنهم من أطرب وأسهر وأتنادم بصحبتهم .
وعندي أصدقاء لكل الأوقات أحبهم في كل حالاتهم وهم كذلك وقد أعادي من يعاديهم أستحي منهم ويستحون مني أنصرهم وينصرونني أساعدهم ويعينونني أموت لأجلهم ويموتون لأجلي .

وكل هذا صنيعتي وصنيعتهم لقد هيأنا لأنفسنا هذا الفرح وهذا الصدق وهذا الجمال ولم يقدمه لنا أحد ولم تصنعه لنا الصدف نحن من خططنا الطرق وسفلتناها ومددناها بالإرشادات العامة والخاصه ووضعنا إشارات مضيئه قف حيث يجب وإفسح لمن يستحق وغير مسموح بالتجاوذ والإصتدام من الخلف والأهم جودة المكابح .

طريق جميل محفوف بكل شيء فقط عليك أن تتخير الأفضل .

الفارس . .

إذا المرء لم يرعـــــــــاك إلا تكلفا فدعه ولا تكثر عليه التأسفـــــــــــــا
ففي الناس إبدال وفي الترك راحة وفي القلب ود للحبيب ولو جفــــــــا
فليس كل من تـهواه يـــــهواك قلبه وليس كل من صافيته لك قد صفــــا
سلام على الدنيــــــا إذا لم يكن بها صديق صدوق صادق الوعد منصفا

الفارس · 17-07-2007, 02:23 AM

اقتباس:

إذا المرء لم يرعـــــــــاك إلا تكلفا فدعه ولا تكثر عليه التأسفـــــــــــــا
ففي الناس إبدال وفي الترك راحة وفي القلب ود للحبيب ولو جفــــــــا
فليس كل من تـهواه يـــــهواك قلبه وليس كل من صافيته لك قد صفــــا
سلام على الدنيــــــا إذا لم يكن بها صديق صدوق صادق الوعد منصفا

وإذا كان المرء يستحق ان تحزن لاجله فافعل فليس من السهل ان تجد كل يوم مثل الصديق الذي يبكيك فقده..

واذا كان من تعتقد فيه صديقاً ... يخذلك في الوقت الذي لا تتوقعه؟
أواااااااه يا صديقي
.....
...
..
.
الى متى

الفارس · 18-07-2007, 02:13 AM

لي اصحاب افضلهم على اصحاب
ولي اصدقاء لا ابدلهم باصدقاء
ولي اشقاء روح لا ابدلهم ابداً... وشقيقات
أكافر انا...؟

سوسن سنادة · 17-08-2007, 12:36 AM

ايمان وامنة...
اسمين بيدلو علي الزول,, مرات بحس انهم اخواتي, بالذات لمن تنهرني ايمان , ولا لمن امنة تتصل بي يا سلااااااااااااام , زمن من ناس انقيا وقلبم ابيض, ما بتعرف تعمل ليهم شنو ولا شنو ولا شنو, بس بتكون هاوز تقعد معاهم , وتتكلم معاهم واييييييك حاجات كتيرة... ياخ كفاية انهم اصحابك دي بالدنيا براها...

حجة امنة · 17-08-2007, 01:03 AM

كونو بخير اينما كنتم ...

الفارس · 02-06-2008, 03:38 AM

اعادني الى هذا البوست شوقي الى نزار ياسين
واصحاب
وبعض صديقات ...

maestro · 02-06-2008, 03:45 AM

قصدك وبضع صديقات يا فارس

الفارس · 02-06-2008, 01:48 PM

انت حرقتك بضع دي
ولا صديقات؟؟؟

maestro · 02-06-2008, 02:23 PM

إنتا في رأيك شنو الحرقتني أكتر ؟!!

مولى · 02-06-2008, 09:29 PM

اصدقائى هنا فحسب

وتعبتا من تكرار الكلام دا

الجرافي · 21-12-2009, 10:43 AM

اصحاب النت والاصحاب العاديون ...

التطور فى التقنية الحياتية اضافة اختلاف فى طريقة التعارف والتصادق ... فمرحلة التعارف فى ميدان الكورة او البحر او المواصلات اصبحت من الطرق الجاهلية القديمة والطراز البالى للتعارف والتصادق .

الاصدقاء القدامى هم من نشات وسطهم واخترت اخلائك منهم وعشت الاسرار والخبايا وتمتعتم باللحظات الجميلة ... واصدقاء الجدد (اصدقاء النت) هم اشخاص تعرفت الى نضجهم الفكرى وتجربتهم فى الحياة والتى سوقها فى شكل خبرة حياتية او وجدت عندهم الراى السديد فى موضوع يشغل بالك وامتدت جمائلهم عليك دون ان تراهم او يروك.

casper · 30-03-2010, 12:56 AM

اجمل مافي الصديق انه يختزل الزمن
المواقف المناسبات الاحداث
طق كدة يجي يقعد قدام ويتحكر ويقول كمان الحساب في كنبة خالص
عرفت من بتين؟ سؤال في المكان الغلط
فجأتن يحتل مكان ذوي القربي وقدامى المعارف
ويجي قريب
ولمن يمش بعيد بيخلي فرقة
ويلخبط ليك موازينك
بس وريني البخليك تسوي دة كلو عشانو شنو؟
ولا اقول ليك البخليهو يسوي فيك كدة زاتو شنو
في النهاية
دة الصديق
وكفى!!
ما شفرتو براها