اقتباس:
المشاركة الأصلية كتبت بواسطة رحاب
والي رديت عليك في بوست سوسن
لكن همتك معانا، ما بمنع انك تكون انت من ينظمنا للوفاء بوعدنا، يعني خت الخطه و قول يالاكم
|
العزيزه رحاب ...
الله يديك الصحه والعافيه وشكراً على الاهتمام العالي ...
نحن بدينا مشروع يحتضرقبل ان يخرج من بطن امه (الله يرجعك سالم يا عوض ويشفي ليك ولدك ) ...
الناس شكلها بتعتمد على ركائز معينه لو إنشغلت الركائز بهموم الحياة والمعيشه زي ما قولتي إنهد البناء لييييييييييييييه ؟...
ليه الناس ما تضع المشاريع بابسط الامكانيات وتتوزع مجموعات يشيل بعضها البعض والعمل يكون جماعي ...
يعني مثلاً مجموعه تتابع العمل الصحي مشروع بعد مشروع ....
وناس الكمبيوتر تعمل دروس في الكمبيوتر(محو أميه ) لانو لسه في بلدنا في ناس بتعاين للكمبيوتر كأنه مخلوق جايي من الفضاء الخارجي ولو ركزو علي المدارس الثانويه الطرفيه يكون احسن ...
ناس القانون وما اكثرهم يعملو ثقافه قانونيه في كل الاماكن المحتاجه ....
وتتوالي الافكار من الجميع عشان نعمل فايده لوطننا ...
ويا ريت الناس همتها تكون معانا ...
مع محبتي لاهل بيتنا ....
الموضوع جد خطير .
العرض العادي
